फिलिपिन्सको दक्षिणी भेगमा रहेको मिन्डानाओ टापुमा ७.८ म्याग्निच्युडको भूकम्प

सोमबार स्थानीय समय अनुसार बिहान ०७ बजेर ३७ मिनटमा फिलिपिन्सको दक्षिणी भेगमा रहेको मिन्डानाओ टापुमा ७.८ म्याग्निच्युडको भूकम्प गएको छ । भूकम्पमा परेर कम्तीमा १९ जनाको मृत्यु भएको पुष्टि त्याहाँका स्थानीय अधिकारीहरूले गरेको छ ।
भूकम्पले ठुलो जनधनको क्षति भएको आँकलन गरिए पनि विवरण आइसकेको छैन ।
भूकम्पपछि बिभिन्न देशहरु ज्स्तै फिलिपिन्स, इन्डोनेसिया, जापान र अष्ट्रेलियामा सुनामीको चेतावनी जारी गरिएको थियो । बीबीसीले एक स्थानीय अधिकारीलाई उद्धृत गर्दै साउथ कोटाबाटो, सुल्तान कुदारात, सारङ्गानीजस्ता धेरै प्रान्तहरू र सान्तोस सहरमा कम्तीमा १३४ जना घाइते भएको उल्लेख गरेको छ।
फिलिपिन्सको भूकम्प प्रभावित क्षेत्रमा अहिले उद्धार कार्यमा प्रहरी, स्थानीय अधिकारी र विभिन्‍न संस्थाहरू जुटिरहेका छन् । राष्ट्रपति फर्डिनान्ड मार्कोस जुनियरले सबै निकायले पिडितहरुका लागि राहत तथा साथ सहयोग गरिररहेको बताए ।
सार्वजनिक भिडियोहरुमा विभिन्‍न भवनहरु ढलेका देखिन्छन् । पहिलो भूकम्पपछि १.३ देखि ६.७ म्याग्निच्युडसम्मका १३० भन्दा बढी परकम्पहरू मापन गरिएको छ।