धरान । धरान–१६ स्थित मानव सेवा आश्रममा कुशे औँसी अर्थात् बुबाको मुख हेर्ने दिनको अवसर पारेर क्लोथ फाउन्डेशन धरानले आश्रममा आश्रित ६५ जना सहयोगापेक्षी नागरिकलाई भोजन गराएको छ । पर्वको अवसरमा आयोजित भोजन सेवामा फाउन्डेशनका पदाधिकारी तथा सदस्यहरूले आश्रममा रहेका ज्येष्ठ नागरिकलाई आफ्नै अभिभावकसरह सम्मान गर्दै भोजन गराएका हुन् ।
कुशे औँसी सन्तानले जन्मदाता बुबाप्रति श्रद्धा, सम्मान र कृतज्ञता प्रकट गर्ने पर्व हो । यही दिन पारेर क्लोथ फाउन्डेशनले परिवारबाट अलग भएका, असहाय तथा सडकबाट उद्धार गरिएका नागरिकलाई आफ्नै आमाबुबाको रूपमा सम्मान गर्दै भोजन गराएकोे हो । मानव सेवा आश्रममा हाल ६५ जना सहयोगापेक्षी नागरिक आश्रित छन् ।
क्लोथ फाउन्डेशनका अध्यक्ष विनय प्रधानले बुवाआमाप्रतिको सम्मान र सेवाको भावनालाई संस्थाको अभियानकै रूपमा अघि बढाइएको बताउनुभयो । उहाका अनुसार फाउन्डेशनका सदस्यहरूले आफूले एक जोर लुगा कम लगाएर भए पनि त्यसबाट बचत हुने रकम असहाय बुवाआमाको सेवामा लगाउने संकल्प गर्नुभयो ।
कुशे औँसीको अवसरमा आश्रममा रहेका बुवाआमासँग बसेर भोजन गराउन पाउँदा आफूहरूलाई आत्मसन्तुष्टि मिलेको उहाँले बताउनुभयो । आश्रमले आश्रित नागरिकको भोजन, बसोबास तथा हेरचाहका लागि गरेको व्यवस्थापनको समेत उहाँले प्रशंसा गर्नुभयो ।
कार्यक्रममा धरान उपमहानगरपालिका वडा नं. १६ का वडाध्यक्ष मुरारी भट्टराईले बुवाआमाको आँखामा आँसु आउने कुनै पनि काम सन्तानले गर्न नहुने बताउनुभयो । वृद्धावस्थामा आफ्नै सन्तानको साथ र माया पाउनुपर्ने अभिभावकहरू आश्रममा आउनुपर्ने अवस्था सिर्जना हुनु समाजका लागि चिन्ताको विषय भएको उहाँको भनाइ थियो । उहाँले प्रत्येक सन्तानले आफ्ना बुवाआमालाई घरमै सेवा, सम्मान र माया दिनुपर्नेमा जोड दिनुभयो ।
कार्यक्रममा धरान उपमहानगरपालिकाका कार्यवाहक नगरप्रमुख अइन्द्रविक्रम बेघाले धरानलाई सडक आश्रित तथा सहयोगापेक्षी मानवमुक्त नगर बनाउने तयारी भइरहेको जानकारी दिनुभयो । उहाँका अनुसार सडकमा बेसहारा अवस्थामा रहेका नागरिकको उद्धार, स्वास्थ्य उपचार, पुनस्र्थापना तथा पारिवारिक पुनर्मिलनका लागि धरान उपमहानगरपालिका, वीपी कोइराला स्वास्थ्य विज्ञान प्रतिष्ठान र मानव सेवा आश्रमबीच त्रिपक्षीय सहकार्यको तयारी भइरहेको जानकारी दिनुभयो । उहाँले धरानका सडक तथा सार्वजनिक स्थानमा कुनै पनि नागरिक भोकै, असहाय र अलपत्र अवस्थामा बस्नुपर्ने परिस्थिति अन्त्य गर्न स्थानीय सरकार प्रतिबद्ध रहेको बताउनुभयो ।
कार्यवाहक नगरप्रमुख बेघाले यस्तो अभियान सरकार वा कुनै एक संस्थाको प्रयासबाट मात्र सफल हुन नसक्ने भन्दै धरानका नागरिक, सामाजिक संघसंस्था, उद्योगी–व्यवसायी तथा मनकारी दाताको सामूहिक सहकार्य आवश्यक रहेको बताउनुभयो ।
धरान–१६ मा सञ्चालित मानव सेवा आश्रम मानवता प्रवद्र्धन महाअभियानअन्तर्गत सञ्चालनमा रहेको छ । परिवारबाट त्यागिएका, मानसिक तथा शारीरिक रूपमा असहाय रहेका र सडकमा अलपत्र अवस्थामा भेटिएका नागरिकलाई उद्धार गरी आश्रमले संरक्षण तथा सेवा प्रदान गर्दै आएको छ । आश्रमको सञ्चालनमा विभिन्न व्यक्ति, सामाजिक संस्था तथा दाताहरूको सहयोग महत्वपूर्ण रहँदै आएको छ । जन्मदिन, वैवाहिक वर्षगाँठ, पितृ स्मृति तथा विभिन्न पर्वका अवसरमा गरिने भोजन सेवा र आर्थिक सहयोगले आश्रममा आश्रित नागरिकको दैनिक जीवनयापनमा टेवा पुग्दै आएको छ ।
कुशे औँसी सन्तानले जन्मदाता बुबाप्रति श्रद्धा, सम्मान र कृतज्ञता प्रकट गर्ने पर्व हो । यही दिन पारेर क्लोथ फाउन्डेशनले परिवारबाट अलग भएका, असहाय तथा सडकबाट उद्धार गरिएका नागरिकलाई आफ्नै आमाबुबाको रूपमा सम्मान गर्दै भोजन गराएकोे हो । मानव सेवा आश्रममा हाल ६५ जना सहयोगापेक्षी नागरिक आश्रित छन् ।
क्लोथ फाउन्डेशनका अध्यक्ष विनय प्रधानले बुवाआमाप्रतिको सम्मान र सेवाको भावनालाई संस्थाको अभियानकै रूपमा अघि बढाइएको बताउनुभयो । उहाका अनुसार फाउन्डेशनका सदस्यहरूले आफूले एक जोर लुगा कम लगाएर भए पनि त्यसबाट बचत हुने रकम असहाय बुवाआमाको सेवामा लगाउने संकल्प गर्नुभयो ।
कुशे औँसीको अवसरमा आश्रममा रहेका बुवाआमासँग बसेर भोजन गराउन पाउँदा आफूहरूलाई आत्मसन्तुष्टि मिलेको उहाँले बताउनुभयो । आश्रमले आश्रित नागरिकको भोजन, बसोबास तथा हेरचाहका लागि गरेको व्यवस्थापनको समेत उहाँले प्रशंसा गर्नुभयो ।
कार्यक्रममा धरान उपमहानगरपालिका वडा नं. १६ का वडाध्यक्ष मुरारी भट्टराईले बुवाआमाको आँखामा आँसु आउने कुनै पनि काम सन्तानले गर्न नहुने बताउनुभयो । वृद्धावस्थामा आफ्नै सन्तानको साथ र माया पाउनुपर्ने अभिभावकहरू आश्रममा आउनुपर्ने अवस्था सिर्जना हुनु समाजका लागि चिन्ताको विषय भएको उहाँको भनाइ थियो । उहाँले प्रत्येक सन्तानले आफ्ना बुवाआमालाई घरमै सेवा, सम्मान र माया दिनुपर्नेमा जोड दिनुभयो ।
कार्यक्रममा धरान उपमहानगरपालिकाका कार्यवाहक नगरप्रमुख अइन्द्रविक्रम बेघाले धरानलाई सडक आश्रित तथा सहयोगापेक्षी मानवमुक्त नगर बनाउने तयारी भइरहेको जानकारी दिनुभयो । उहाँका अनुसार सडकमा बेसहारा अवस्थामा रहेका नागरिकको उद्धार, स्वास्थ्य उपचार, पुनस्र्थापना तथा पारिवारिक पुनर्मिलनका लागि धरान उपमहानगरपालिका, वीपी कोइराला स्वास्थ्य विज्ञान प्रतिष्ठान र मानव सेवा आश्रमबीच त्रिपक्षीय सहकार्यको तयारी भइरहेको जानकारी दिनुभयो । उहाँले धरानका सडक तथा सार्वजनिक स्थानमा कुनै पनि नागरिक भोकै, असहाय र अलपत्र अवस्थामा बस्नुपर्ने परिस्थिति अन्त्य गर्न स्थानीय सरकार प्रतिबद्ध रहेको बताउनुभयो ।
कार्यवाहक नगरप्रमुख बेघाले यस्तो अभियान सरकार वा कुनै एक संस्थाको प्रयासबाट मात्र सफल हुन नसक्ने भन्दै धरानका नागरिक, सामाजिक संघसंस्था, उद्योगी–व्यवसायी तथा मनकारी दाताको सामूहिक सहकार्य आवश्यक रहेको बताउनुभयो ।
धरान–१६ मा सञ्चालित मानव सेवा आश्रम मानवता प्रवद्र्धन महाअभियानअन्तर्गत सञ्चालनमा रहेको छ । परिवारबाट त्यागिएका, मानसिक तथा शारीरिक रूपमा असहाय रहेका र सडकमा अलपत्र अवस्थामा भेटिएका नागरिकलाई उद्धार गरी आश्रमले संरक्षण तथा सेवा प्रदान गर्दै आएको छ । आश्रमको सञ्चालनमा विभिन्न व्यक्ति, सामाजिक संस्था तथा दाताहरूको सहयोग महत्वपूर्ण रहँदै आएको छ । जन्मदिन, वैवाहिक वर्षगाँठ, पितृ स्मृति तथा विभिन्न पर्वका अवसरमा गरिने भोजन सेवा र आर्थिक सहयोगले आश्रममा आश्रित नागरिकको दैनिक जीवनयापनमा टेवा पुग्दै आएको छ ।
प्रतिक्रियाहरू (0)
प्रतिक्रिया दिन कृपया लगइन गर्नुहोस्।