विश्व मृगौला दिवसका अवसरमा केएचडिसीले भानुचौकमा निःशुल्क मृगौला परीक्षण शिविर

धरान । आज विश्वभर बिश्व मृगौला दिबश विभिन्न जनचेतनामूलक कार्यक्रमका साथ मनाइँदै छ । हरेक वर्ष मार्च महिनाको दोस्रो बिहीबार मनाइने यो दिवसको उद्देश्य मृगौला स्वास्थ्यको महत्वबारे जनचेतना फैलाउनु तथा मृगौला रोगको समयमै पहिचान र उपचारमा जोड दिनु हो ।

मानव शरीरमा मृगौलाले रगत सफा गर्ने, शरीरबाट विषाक्त पदार्थ हटाउने, पानी र नुनको सन्तुलन मिलाउने तथा रक्तचाप नियन्त्रण गर्ने महत्वपूर्ण काम गर्छ । तर पछिल्ला वर्षहरूमा जीवनशैलीमा आएको परिवर्तनका कारण मृगौला रोगको जोखिम बढ्दै गएको स्वास्थ्यकर्मीहरू बताउँछन् ।
विशेषगरी उच्च रक्तचाप र मधुमेह मृगौला रोगका प्रमुख कारण मानिन्छन् । यी रोगलाई समयमै नियन्त्रण नगर्दा दीर्घकालीन मृगौला रोग अर्थात् दिर्घकालीन मृगौला रोग हुने जोखिम बढ्ने चिकित्सकहरूको भनाइ छ ।
स्वास्थ्य विज्ञहरूका अनुसार मृगौला रोग प्रारम्भिक अवस्थामा प्रायः स्पष्ट लक्षण नदेखिने भएकाले धेरै मानिसले ढिलो गरी मात्र रोगबारे थाहा पाउने गर्छन् । त्यसैले नियमित स्वास्थ्य परीक्षण, सन्तुलित आहार, पर्याप्त पानी सेवन, व्यायाम तथा धूम्रपान र मदिरा सेवनबाट टाढा रहनु मृगौला स्वास्थ्यका लागि आवश्यक मानिन्छ ।
यसै अवसरमा धरानको मुटु मानिने भानुचौकमा केएचडिसीले निःशुल्क मृगौला परीक्षण शिविर आयोजना गरेको छ । ‘सबैका लागि मृगौला स्वास्थ्य’ भन्ने नारासहित सञ्चालन गरिएको शिविरमा सयौँ स्थानीय बासिन्दाले स्वास्थ्य परीक्षण गराएका छन् ।
शिविरमा मृगौला रोग विशेषज्ञ डाक्टरहरूको टोलीले सहभागीहरूलाई स्वास्थ्य परामर्श दिनुका साथै मृगौला स्वस्थ राख्ने उपायबारे जानकारी दिएका थिए । विशेषगरी मधुमेह र उच्च रक्तचाप भएका व्यक्तिहरूलाई नियमित जाँच गराउन चिकित्सकहरूले सुझाव दिएका छन् ।
धरानस्थित बीपी कोइराला स्वास्थ्य विज्ञान प्रतिष्ठानकी चिकित्सक डा. नुप्पुर थापाले मृगौला रोग धेरैजसो अवस्थामा अन्तिम चरण नपुगुञ्जेल स्पष्ट लक्षण नदेखिने भएकाले समयमै परीक्षण गराउनु अत्यन्त आवश्यक रहेको बताउनुभयो ।

शिविरमा सहभागी सेवाग्राहीहरूले बजारको बीचमै स्वास्थ्य परीक्षणको अवसर पाउँदा आफूहरूलाई सहज भएको बताएका छन् । अस्पताल जान समय र खर्च दुवै लाग्ने भएकाले यस्ता निःशुल्क शिविरले सर्वसाधारणलाई ठूलो राहत मिल्ने उनीहरूको भनाइ छ ।

कार्यक्रममा केचडिसीका पदाधिकारी प्रा. डा. राजेन्द्र शर्माले मृगौला फेल हुने अवस्था आउनुअघि नै रोगको पहिचान गरेर उपचार गर्न सकिने भएकाले जनचेतना फैलाउनु नै यस्ता कार्यक्रमको मुख्य उद्देश्य रहेको बताउनुभयो ।

विश्व मृगौला दिवसका अवसरमा आयोजित यस्ता कार्यक्रमहरूले मृगौला स्वास्थ्यबारे जनचेतना बढाउने र समयमै परीक्षण गराउने संस्कार विकास गर्न सहयोग पुग्ने विश्वास गरिएको छ । विश्व मृगौला दिवसका अवसरमा आयोजित यस्ता कार्यक्रमहरूले मृगौला स्वास्थ्यबारे जनचेतना बढाउने र समयमै परीक्षण गराउने संस्कार विकास गर्न सहयोग पुग्ने विश्वास गरिएको छ ।