धरान
नेपाली कांग्रेसको १५औँ महाधिवेशनअन्तर्गत धरान उपमहानगरपालिकामा वडा तहदेखि नगरसम्मको नेतृत्व चयन प्रक्रिया सर्वसम्मत रूपमा सम्पन्न भएको छ । २० वटै वडामा कार्यसमिति र ६०६ जना क्षेत्रीय प्रतिनिधि निर्विरोध चयन भएपछि नगर कार्यसमितिसमेत निर्विरोध चयन गरिएको हो । धरान कांग्रेसको अधिवेशनले गुट–उपगुटभन्दा माथि उठेर संगठनलाई एकढिक्का बनाउने र आगामी निर्वाचनमा पार्टीलाई बलियो बनाउने सन्देश दिएको छ ।
असोज ३ र ४ गते सम्पन्न वडा अधिवेशनबाट धरानका २० वटै वडामा निर्वाचन नगरी कार्यसमिति र क्षेत्रीय प्रतिनिधि चयन गरिएको थियो । २० वटै वडाबाट ६०६ जना क्षेत्रीय प्रतिनिधिसमेत सर्वसम्मत रूपमा चयन भएपछि नगर नेतृत्व चयनको प्रक्रिया अघि बढाइएको थियो । निर्वाचन अधिकृत विष्णु बरालद्वारा जारी प्रमाणित नामावलीअनुसार नगर सभापतिमा नरेन्द्र कुमार राई ‘प्रविण’ सर्वसम्मत निर्वाचित हुनुभएको छ ।
उपसभापतिमा हिमाल श्रेष्ठ, महिला उपसभापतिमा शिला श्रेष्ठ बज्राचार्य, सचिवमा सागर प्रसाई र सहसचिवमा किरण आचार्य निर्विरोध चयन हुनुभएको छ । नगर कार्यसमितिका अन्य सदस्यहरू पनि विभिन्न वडा, महिला, युवा तथा दलित क्लस्टरबाट सर्वसम्मत चयन भएका छन् ।
पद तथा गोपनीयताको सपथ लिएपछि नवनिर्वाचित सभापति नरेन्द्र कुमार राई ‘प्रविण’ले विगतका तीतामीठा बिर्सिएर नयाँ ढंगले संगठन अघि बढाउने प्रतिबद्धता जनाउनुभयो । गुट–उपगुटका कारण विगतमा देखिएका असमझदारी अन्त्य गर्दै सबैलाई समेटेर कांग्रेसलाई एकढिक्का बनाउने उहाँको भनाइ छ ।
सहमति र एकताबाट नयाँ नेतृत्व चयन भएपछि धरान कांग्रेसमा नयाँ ऊर्जा थपिएको नवनिर्वाचित सचिव सागर प्रसाईले बताउनुभयो । विगतका निर्वाचनमा पार्टीले भोगेको पराजयको समीक्षा गर्दै संगठनलाई वडादेखि नै सक्रिय र व्यवस्थित बनाउने उहाँको भनाइ छ ।
संगठन शुद्धीकरण गर्दै २० वटै वडामा पार्टीलाई सक्रिय बनाउने र आगामी २०८४ को निर्वाचनमा धरानमा कांग्रेसलाई बलियो राजनीतिक शक्तिका रूपमा स्थापित गर्ने नयाँ नेतृत्वको योजना छ ।
धरान कांग्रेसको नगर अधिवेशन सर्वसम्मत बनाउन निवर्तमान सभापति श्याम पोख्रेलको पद त्यागलाई पनि महत्वपूर्ण मानिएको छ । पार्टी विधानले पुनः सभापति बन्ने वा अन्य तहमा दाबी गर्ने अधिकार दिए पनि संगठनको एकता र सबैलाई समेट्ने उद्देश्यले आफूले पदको दाबी नगरेको पोख्रेलले बताउनुभएको छ ।
पोख्रेलका अनुसार २० वटै वडामा क्षेत्रीय प्रतिनिधि निर्विरोध चयन हुनु र त्यसपछि नगर कार्यसमितिसमेत सर्वसम्मत बन्नुले धरान कांग्रेसभित्र एकताको सन्देश दिएको छ । पार्टीमा नेता मात्र नभई धराने जनताको नेता भएर सेवा गर्नुपर्नेमा उहाँले जोड दिनुभएको छ ।
विगतको स्थानीय निर्वाचनमा कांग्रेसले भोगेको पराजयपछि धरान कांग्रेसभित्र संगठन सुदृढीकरण र आन्तरिक एकताको आवश्यकता महसुस हुँदै आएको थियो । यसपटक भने नेतृत्वका आकांक्षीहरूबीच सहमति कायम गर्दै पुरानो र नयाँ पुस्तालाई समेटेर वडा तहदेखि नगरसम्म सर्वसम्मत नेतृत्व चयन गरिएको हो ।
यसैबीच नेपाली कांग्रेसको केन्द्रीय महाधिवेशनको कार्यतालिकालाई लिएर पार्टीभित्र फरक धारणा देखिएको छ । केन्द्रीय निर्वाचन समितिले अघि बढाएको कार्यतालिकाअनुसार १५ औँ महाधिवेशन असोज १६ देखि १९ गतेसम्म गर्ने तयारी छ । तर, पार्टी सभापति शेरबहादुर देउवा पक्षले भने मंसिर २१ देखि २३ गतेसम्म महाधिवेशन गर्ने गरी छुट्टै कार्यतालिका अघि सारेको छ । केन्द्रीय तहमा महाधिवेशनको मिति र प्रक्रियालाई लिएर मतभिन्नता देखिए पनि धरानमा भने स्थानीय तहमा रहेका विभिन्न समूह र पुराना तथा नयाँ नेतृत्वबीच सहमति कायम गर्दै नगर कार्यसमिति निर्विरोध चयन भएको छ । धरानबाट सर्वसम्मत चयन भएका ६०६ जना क्षेत्रीय प्रतिनिधिले अब सुनसरी क्षेत्र नं. १ को क्षेत्रीय अधिवेशन तथा त्यसपछिका संगठनात्मक प्रक्रियामा भूमिका निर्वाह गर्नेछन् ।
नयाँ नेतृत्वले भने अधिवेशनमा बनेको सहमतिलाई संगठन निर्माणमा रूपान्तरण गर्ने जनाएको छ । विगतको निर्वाचन परिणामको समीक्षा, संगठन शुद्धीकरण, २० वटै वडामा पार्टी गतिविधि विस्तार र जनतासँगको सम्बन्धलाई प्राथमिकतामा राख्दै २०८४ को निर्वाचनमा कांग्रेसलाई धरानमा बलियो बनाउने उसको योजना अगाडि सारिएको छ ।
नेपाली कांग्रेसको १५औँ महाधिवेशनअन्तर्गत धरान उपमहानगरपालिकामा वडा तहदेखि नगरसम्मको नेतृत्व चयन प्रक्रिया सर्वसम्मत रूपमा सम्पन्न भएको छ । २० वटै वडामा कार्यसमिति र ६०६ जना क्षेत्रीय प्रतिनिधि निर्विरोध चयन भएपछि नगर कार्यसमितिसमेत निर्विरोध चयन गरिएको हो । धरान कांग्रेसको अधिवेशनले गुट–उपगुटभन्दा माथि उठेर संगठनलाई एकढिक्का बनाउने र आगामी निर्वाचनमा पार्टीलाई बलियो बनाउने सन्देश दिएको छ ।
असोज ३ र ४ गते सम्पन्न वडा अधिवेशनबाट धरानका २० वटै वडामा निर्वाचन नगरी कार्यसमिति र क्षेत्रीय प्रतिनिधि चयन गरिएको थियो । २० वटै वडाबाट ६०६ जना क्षेत्रीय प्रतिनिधिसमेत सर्वसम्मत रूपमा चयन भएपछि नगर नेतृत्व चयनको प्रक्रिया अघि बढाइएको थियो । निर्वाचन अधिकृत विष्णु बरालद्वारा जारी प्रमाणित नामावलीअनुसार नगर सभापतिमा नरेन्द्र कुमार राई ‘प्रविण’ सर्वसम्मत निर्वाचित हुनुभएको छ ।
उपसभापतिमा हिमाल श्रेष्ठ, महिला उपसभापतिमा शिला श्रेष्ठ बज्राचार्य, सचिवमा सागर प्रसाई र सहसचिवमा किरण आचार्य निर्विरोध चयन हुनुभएको छ । नगर कार्यसमितिका अन्य सदस्यहरू पनि विभिन्न वडा, महिला, युवा तथा दलित क्लस्टरबाट सर्वसम्मत चयन भएका छन् ।
पद तथा गोपनीयताको सपथ लिएपछि नवनिर्वाचित सभापति नरेन्द्र कुमार राई ‘प्रविण’ले विगतका तीतामीठा बिर्सिएर नयाँ ढंगले संगठन अघि बढाउने प्रतिबद्धता जनाउनुभयो । गुट–उपगुटका कारण विगतमा देखिएका असमझदारी अन्त्य गर्दै सबैलाई समेटेर कांग्रेसलाई एकढिक्का बनाउने उहाँको भनाइ छ ।
सहमति र एकताबाट नयाँ नेतृत्व चयन भएपछि धरान कांग्रेसमा नयाँ ऊर्जा थपिएको नवनिर्वाचित सचिव सागर प्रसाईले बताउनुभयो । विगतका निर्वाचनमा पार्टीले भोगेको पराजयको समीक्षा गर्दै संगठनलाई वडादेखि नै सक्रिय र व्यवस्थित बनाउने उहाँको भनाइ छ ।
संगठन शुद्धीकरण गर्दै २० वटै वडामा पार्टीलाई सक्रिय बनाउने र आगामी २०८४ को निर्वाचनमा धरानमा कांग्रेसलाई बलियो राजनीतिक शक्तिका रूपमा स्थापित गर्ने नयाँ नेतृत्वको योजना छ ।
धरान कांग्रेसको नगर अधिवेशन सर्वसम्मत बनाउन निवर्तमान सभापति श्याम पोख्रेलको पद त्यागलाई पनि महत्वपूर्ण मानिएको छ । पार्टी विधानले पुनः सभापति बन्ने वा अन्य तहमा दाबी गर्ने अधिकार दिए पनि संगठनको एकता र सबैलाई समेट्ने उद्देश्यले आफूले पदको दाबी नगरेको पोख्रेलले बताउनुभएको छ ।
पोख्रेलका अनुसार २० वटै वडामा क्षेत्रीय प्रतिनिधि निर्विरोध चयन हुनु र त्यसपछि नगर कार्यसमितिसमेत सर्वसम्मत बन्नुले धरान कांग्रेसभित्र एकताको सन्देश दिएको छ । पार्टीमा नेता मात्र नभई धराने जनताको नेता भएर सेवा गर्नुपर्नेमा उहाँले जोड दिनुभएको छ ।
विगतको स्थानीय निर्वाचनमा कांग्रेसले भोगेको पराजयपछि धरान कांग्रेसभित्र संगठन सुदृढीकरण र आन्तरिक एकताको आवश्यकता महसुस हुँदै आएको थियो । यसपटक भने नेतृत्वका आकांक्षीहरूबीच सहमति कायम गर्दै पुरानो र नयाँ पुस्तालाई समेटेर वडा तहदेखि नगरसम्म सर्वसम्मत नेतृत्व चयन गरिएको हो ।
यसैबीच नेपाली कांग्रेसको केन्द्रीय महाधिवेशनको कार्यतालिकालाई लिएर पार्टीभित्र फरक धारणा देखिएको छ । केन्द्रीय निर्वाचन समितिले अघि बढाएको कार्यतालिकाअनुसार १५ औँ महाधिवेशन असोज १६ देखि १९ गतेसम्म गर्ने तयारी छ । तर, पार्टी सभापति शेरबहादुर देउवा पक्षले भने मंसिर २१ देखि २३ गतेसम्म महाधिवेशन गर्ने गरी छुट्टै कार्यतालिका अघि सारेको छ । केन्द्रीय तहमा महाधिवेशनको मिति र प्रक्रियालाई लिएर मतभिन्नता देखिए पनि धरानमा भने स्थानीय तहमा रहेका विभिन्न समूह र पुराना तथा नयाँ नेतृत्वबीच सहमति कायम गर्दै नगर कार्यसमिति निर्विरोध चयन भएको छ । धरानबाट सर्वसम्मत चयन भएका ६०६ जना क्षेत्रीय प्रतिनिधिले अब सुनसरी क्षेत्र नं. १ को क्षेत्रीय अधिवेशन तथा त्यसपछिका संगठनात्मक प्रक्रियामा भूमिका निर्वाह गर्नेछन् ।
नयाँ नेतृत्वले भने अधिवेशनमा बनेको सहमतिलाई संगठन निर्माणमा रूपान्तरण गर्ने जनाएको छ । विगतको निर्वाचन परिणामको समीक्षा, संगठन शुद्धीकरण, २० वटै वडामा पार्टी गतिविधि विस्तार र जनतासँगको सम्बन्धलाई प्राथमिकतामा राख्दै २०८४ को निर्वाचनमा कांग्रेसलाई धरानमा बलियो बनाउने उसको योजना अगाडि सारिएको छ ।
प्रतिक्रियाहरू (0)
प्रतिक्रिया दिन कृपया लगइन गर्नुहोस्।