धरान । धरान–८ तीनकुनेस्थित बाबा विश्वकर्मा मन्दिरमा विश्वकर्मा पूजाको अवसरमा बिहीबार बिहान ४ बजेदेखि नै श्रद्धालु तथा सवारीसाधन धनीहरूको घुइँचो लागेको छ । भगवान् विश्वकर्माको पूजाआराधना गर्दै वर्षभरि सवारीसाधन सुरक्षित रूपमा सञ्चालन होस्, दुर्घटनाबाट बच्न सकियोस् र मेसिनरी उपकरणमा कुनै खराबी नआओस् भन्ने कामनासहित भक्तजनहरू बिहानैदेखि मन्दिरमा लामबद्ध भएका हुन् ।
असोज १ गते मनाइने विश्वकर्मा पूजाका अवसरमा धरानका विभिन्न स्थानबाट मोटरसाइकल, कार, बस, ट्रक, टिपरलगायतका सवारीसाधन मन्दिर परिसरमा ल्याइएको थियो । सवारीसाधनका धनी, चालक, उद्योगी, मेसिनरी व्यवसायी तथा मजदुरहरूले आफ्नो जीविकोपार्जनसँग प्रत्यक्ष जोडिएका यन्त्र तथा उपकरणको पूजा गर्दै भगवान् विश्वकर्माप्रति श्रद्धा व्यक्त गरेका छन् । उनीहरु विश्वकर्मा भगवानको पूजाआजा गर्दा फलदायी हुने विश्वास व्यक्त गर्छन् ।
फलाम सम्बन्धी व्यवसाय गर्नेमात्र हैन सर्वसाधारणले समेत आजको दिन विश्वकर्मा बाबाको पूजाआजा गर्दा राम्रो हुने विश्वास व्यक्त गरेका छन् । धरान–२० का पदमबहादुर लिम्बुले विश्वकर्मा पूजाको दिन विश्वकर्मा मन्दिरमा आएर पूजाआजा गर्दा फलिफाप हुने विश्वासले मन्दिरमा पूजा गर्न आएको बताउनुभयो ।
मन्दिरमा बिहानैदेखि महिला र पुरुषका लागि छुट्टाछुट्टै लाइनको व्यवस्था गरिएको थियो । भक्तजनको भीडलाई व्यवस्थित गर्न नेपाल प्रहरी, ट्राफिक प्रहरी, धरान नगर प्रहरी, स्काउट तथा स्वयंसेवकहरू परिचालन गरिएको थियो । पूजास्थलमा फूलमाला, अबिर, अक्षता, धूप, दीप तथा अन्य पूजासामग्रीसहित सवारीसाधनको विधिपूर्वक पूजा गरिएको थियो । विश्कर्मा बाबालाई हिन्दू धार्मिक परम्परामा निर्माण, वास्तुकला, शिल्प तथा धातुजन्य उपकरणका अधिष्ठाता भगवान् विश्वकर्माको आराधनाका रूपमा लिइन्छ । यस दिन सवारीसाधन, कलकारखानाका मेसिन, औजार तथा प्राविधिक उपकरणको पूजा गर्ने प्रचलन छ । विशेषगरी यातायात तथा मेसिनरी क्षेत्रमा संलग्न व्यक्तिहरूले आफ्नो कामको मुख्य साधनप्रति सम्मान र आगामी दिनमा सुरक्षित सञ्चालनको कामनासहित पूजा गर्ने गरेका छन् ।
विश्वकर्मा बाबा विश्वकर्मा मन्दिर व्यवस्थापन समितिका अध्यक्ष सुवास श्रेष्ठले यस वर्ष पनि मन्दिरमा विश्वकर्मा पूजा भव्य रूपमा भइरहेको बताउनुभयो । उहाँले देशको पछिल्लो परिस्थितिका कारण विगतको तुलनामा भक्तजनको उपस्थिति केही कम देखिए पनि पूजाको उत्साह र धार्मिक वातावरणमा कमी नआएको उल्लेख गर्नुभयोे । उहाँले भक्तजनहरूलाई सहजता प्रदान गर्न नेपाल प्रहरी, ट्राफिक प्रहरी, नगर प्रहरी र स्वयंसेवकले लाइनको व्यवस्थापन गरेको बताउनुभयो ।
धरान–८ तीनकुनेस्थित बाबा विश्वकर्मा मन्दिरमा प्रत्येक वर्ष विश्वकर्मा पूजाका दिन सवारीसाधन तथा यन्त्र पूजा गर्न श्रद्धालुहरूको उल्लेख्य उपस्थिति रहने गरेको छ । धार्मिक आस्था, परम्परा र व्यावसायिक जीवनसँग जोडिएको यस पर्वले सवारीसाधन तथा प्राविधिक उपकरणप्रति सम्मान व्यक्त गर्ने संस्कृतिलाई निरन्तरता दिँदै आएको छ ।
असोज १ गते मनाइने विश्वकर्मा पूजाका अवसरमा धरानका विभिन्न स्थानबाट मोटरसाइकल, कार, बस, ट्रक, टिपरलगायतका सवारीसाधन मन्दिर परिसरमा ल्याइएको थियो । सवारीसाधनका धनी, चालक, उद्योगी, मेसिनरी व्यवसायी तथा मजदुरहरूले आफ्नो जीविकोपार्जनसँग प्रत्यक्ष जोडिएका यन्त्र तथा उपकरणको पूजा गर्दै भगवान् विश्वकर्माप्रति श्रद्धा व्यक्त गरेका छन् । उनीहरु विश्वकर्मा भगवानको पूजाआजा गर्दा फलदायी हुने विश्वास व्यक्त गर्छन् ।
फलाम सम्बन्धी व्यवसाय गर्नेमात्र हैन सर्वसाधारणले समेत आजको दिन विश्वकर्मा बाबाको पूजाआजा गर्दा राम्रो हुने विश्वास व्यक्त गरेका छन् । धरान–२० का पदमबहादुर लिम्बुले विश्वकर्मा पूजाको दिन विश्वकर्मा मन्दिरमा आएर पूजाआजा गर्दा फलिफाप हुने विश्वासले मन्दिरमा पूजा गर्न आएको बताउनुभयो ।
मन्दिरमा बिहानैदेखि महिला र पुरुषका लागि छुट्टाछुट्टै लाइनको व्यवस्था गरिएको थियो । भक्तजनको भीडलाई व्यवस्थित गर्न नेपाल प्रहरी, ट्राफिक प्रहरी, धरान नगर प्रहरी, स्काउट तथा स्वयंसेवकहरू परिचालन गरिएको थियो । पूजास्थलमा फूलमाला, अबिर, अक्षता, धूप, दीप तथा अन्य पूजासामग्रीसहित सवारीसाधनको विधिपूर्वक पूजा गरिएको थियो । विश्कर्मा बाबालाई हिन्दू धार्मिक परम्परामा निर्माण, वास्तुकला, शिल्प तथा धातुजन्य उपकरणका अधिष्ठाता भगवान् विश्वकर्माको आराधनाका रूपमा लिइन्छ । यस दिन सवारीसाधन, कलकारखानाका मेसिन, औजार तथा प्राविधिक उपकरणको पूजा गर्ने प्रचलन छ । विशेषगरी यातायात तथा मेसिनरी क्षेत्रमा संलग्न व्यक्तिहरूले आफ्नो कामको मुख्य साधनप्रति सम्मान र आगामी दिनमा सुरक्षित सञ्चालनको कामनासहित पूजा गर्ने गरेका छन् ।
विश्वकर्मा बाबा विश्वकर्मा मन्दिर व्यवस्थापन समितिका अध्यक्ष सुवास श्रेष्ठले यस वर्ष पनि मन्दिरमा विश्वकर्मा पूजा भव्य रूपमा भइरहेको बताउनुभयो । उहाँले देशको पछिल्लो परिस्थितिका कारण विगतको तुलनामा भक्तजनको उपस्थिति केही कम देखिए पनि पूजाको उत्साह र धार्मिक वातावरणमा कमी नआएको उल्लेख गर्नुभयोे । उहाँले भक्तजनहरूलाई सहजता प्रदान गर्न नेपाल प्रहरी, ट्राफिक प्रहरी, नगर प्रहरी र स्वयंसेवकले लाइनको व्यवस्थापन गरेको बताउनुभयो ।
धरान–८ तीनकुनेस्थित बाबा विश्वकर्मा मन्दिरमा प्रत्येक वर्ष विश्वकर्मा पूजाका दिन सवारीसाधन तथा यन्त्र पूजा गर्न श्रद्धालुहरूको उल्लेख्य उपस्थिति रहने गरेको छ । धार्मिक आस्था, परम्परा र व्यावसायिक जीवनसँग जोडिएको यस पर्वले सवारीसाधन तथा प्राविधिक उपकरणप्रति सम्मान व्यक्त गर्ने संस्कृतिलाई निरन्तरता दिँदै आएको छ ।
प्रतिक्रियाहरू (0)
प्रतिक्रिया दिन कृपया लगइन गर्नुहोस्।